Dövlət Proqramı iştirakçısı Zərinə Məcidova yaz və payız semestrlərini yüksək göstəricilərlə (“A/A”) başa vurmuşdur.

Bundan əlavə, Proqram iştirakçısı akademik fəaliyyətinə görə “Margrit Mondavi” mükafatına layiq görülüb. Bu mükafat humanitar elmlər və incəsənət fakültələrində təhsil alan perspektivli tələbələrə verilir. Tələbələr humanitar elmlər və ya incəsənət sahələrində əldə olunacaq müasir həllərə aparan yay tədqiqatı planını təqdim edərək mükafat uğrunda yarışırlar.

Qeyd edək ki, mükafatı doktorantura və magistratura tələbələri arasından yalnız 4 nəfər qazanıb.

Xatırladaq ki, Zərinə Məcidova  "2022-2028 Dövlət Proqramı" çərçivəsində Amerika Birləşmiş Ştatlarının "University of California, Davis" ali təhsil müəssisəsində dizayn ixtisası üzrə magistratura səviyyəsində təhsil alır.

Proqram iştirakçımızı təbrik edir, uğurlarının daimi olmasını arzu edirik.