Türkiyənin Ege Universiteti ilə Azərbaycan Dövlət Aqrar Universiteti (ADAU) arasında həyata keçirilən beynəlxalq ikili diplom proqramı çərçivəsində ADAU-da təhsil alan tələbələr üçün “Karyera görüşləri” layihəsi çərçivəsində növbəti görüş keçirilib.
 

Layihənin məqsədi tələbələrə uğurlu məzunların tanışlığı ilə yanaşı, istehsal sahəsindən gələn mütəxəssislərlə tələbələr arasında sağlam mühit formalaşdıraraq, peşə motivasiyalarını yüksəltməkdir.
 

Qonaqlar - Ege Universitetinin məzunları, kənd təsərrüfatı mütəxəssisləri Tufan Tümer, Bülent Mutaf və Kamran Abdullayev təcrübələri, gənclər üçün müasir dövrdə yaranan fürsətlər və şəxsi inkişaf barədə fikirlərini səsləndiriblər.
 

Sonda tələbələrin sualları cavablandırılıb.