Azərbaycan Dövlət Pedapoji Universiteti-Corc Vaşinqton Universiteti (ABŞ)


ABŞ-ın Corc Vaşinqton Universiteti (CVU) ilə Azərbaycan Dövlət Pedaqoji Universitetinin “Təhsil ixtisası” istiqaməti üzrə magistratura səviyyəsində
beynəlxalq ikili diplom proqramı:

 

  • cari ilin mart ayında proqrama I sənəd qəbulu həyata keçirilib, hazırda CVU tərəfindən namizədlərin sənədlərinin qiymətləndirilməsi prosesi həyata keçirilir;
  • ADPU tərəfindən növbəti sənəd qəbulunun aparılmasına başlanılıb. 2020/21-ci tədris ili üçün Dövlət İmtahan Mərkəzi tərəfindən keçirilmiş magistraturaya qəbul imtahanında iştirak etməyən şəxslər üçün cari ilin iyul ayı ərzində ayrıca imtahan keçiriləcək;
  • sözügedən ikili diplom proqramına digər ixtisasların məzunlarının marağı nəzərə alınaraq, imtahanda bakalavriat səviyyəsinin “Təhsil” və “İqtisadiyyat və İdarəetmə” ixtisasları qruplarından əlavə, “Humanitar və sosial”, eləcə də “Təbiət” ixtisasları qruplarında yer alan ixtisaslar üzrə məzunlar müraciət edə biləcəklər;
  • ikili diplom proqramında təhsil almaq istəyən namizədlərin müraciətlərinin ADPU tərəfindən qəbulu 20.07.2020-ci il tarixinədək uzadılıb: müvafiq elanla buradan tanış olmaq olar;
  • proqram çərçivəsində məzunlara CVU tərəfindən “Təhsil və insan kapitalının inkişafı: Təhsil siyasəti və liderlik” ixtisası üzrə diplom veriləcək;
  • ADPU tərəfindən isə “Menecment (təhsilin təşkili və idarəolunması)” ixtisası üzrə diplom veriləcək;
  • proqram üzrə ilkin qəbul planı 25 nəfərdir;
  • tədris dili ingilis dilində olacaqdır;
  • proqramın müddəti 2 ildir;
  • proqramın məzunları liderlik və menecment, tədqiqat, beynəlxalq təhsil, siyasi təhlil və inkişaf sahələri kimi bacarıqlara yiyələnəcəklər;
  • tədris tam olaraq Azərbaycanda keçiriləcəkdir.